Հունիսի 9-ին «Փորձաքննությունների ազգային բյուրո» ՊՈԱԿ-ում տեղի է ունեցել ՀՀ ԳԱԱ համակարգում դատական փորձագետի որակավորման հանձնաժողովի ընթացիկ տարվա առաջին նիստը:
Նիստի օրակարգում ներառված էին ՀՀ ԳԱԱ համակարգում դատական փորձագետի որակավորման հավաստմանը ներկայացված 6 հայտերի (2-ը՝ որակավորվող, 4-ը՝ վերաորակավորվող) զեկույցների քննարկման և որոշումների ընդունման հարցերը: 
Նիստի արդյունքում Հանձնաժողովը հավաստել և վերահավաստել է ներկայացված հայտերը:
Սահմանված բարձր պահանջներին համապատասխան՝ ՀՀ ԳԱԱ համակարգում դատական փորձագետի որակավորման հանձնաժողովի գործունեությունը և «Փորձաքննությունների ազգային բյուրո» ՊՈԱԿ-ում դատական փորձագետի որակավորման հավակնորդների ուսուցման ու որակավորման դասընթացների իրականացման գործընթացում ներդրված ջանքերը նպատակ ունեն «Փորձաքննությունների ազգային բյուրո» ՊՈԱԿ-ի՝ որպես խոշոր դատափորձագիտական կազմակերպության փորձագիտական անձնակազմը համալրելու անհրաժեշտ գիտելիքներով ու գործնական հմտություններով օժտված որակյալ փորձագետներով՝ դրանով իսկ նպաստելով դատավարական գործընթացներում բարձր ապացուցողական նշանակություն ունեցող արդյունքների ձեռքբերմանը։

10 June 2026